Këshilli i bashkisë së Nju Jorkut organizoi një ceremoni festive për 107-vjetorin e Pavarësisë së Shqipërisë. Me rastin e Ditës së Flamurit, këshilli nderoi disa prej veprimtarëve të dalluar të qytetit. Mark Gjonaj është një prej të zgjedhurve shqiptarëve në këtë këshill. Në fjalën e tij, ai i kujtoi të gjithëve sesa shumë ka ecur komunitetit shqiptar i Nju Jorkut.
Në këtë ceremoni ka kënduar edhe këngëtari i njohur i muzikës popullore, Ilir Shaqiri. “Për herë të parë në bashkinë e Nju Jorkut "Rrjedh në Këngë e ligjërime"”, shkruan këngëtari në një postim në rrjetet sociale.
Zëri i Amerikës shkruan se prej disa vjetësh, ata kanë në Këshill të zgjedhurin e tyre, Mark Gjonaj, i cili me këtë rast u kujtoi të gjithëve se sa shumë ka ecur komuniteti shqiptar i Nju Jorkut. “Ju shërbeni në vijat e frontit në ushtrinë tonë, nëpër klasat me nxënës si njerëz të arsimit, si drejtues në tregjet tona financiare, si mjekë në sallat e emergjencës dhe në çdo profesion tjetër. Ju formoni bazën që e bën qytetin e Nju Jorkut kaq madhështor”, tha Gjonaj. Këshilli i Bashkisë nderoi disa individë që japin ndihmesë në fusha të ndryshme. Në ceremoni foli edhe ambasadorja e Shqipërisë në SHBA, Floreta Luli Faber, e cila shprehu mirënjohje për Shtetet e Bashkuara dhe për komunitetin shqiptar të Amerikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.