.png)
Erblira Bici tregoi një formë të shkëlqyer në ndeshjen e fundit të kampionatit në Itali, edhe pse Kuneo, ku ajo aktivizohet, humbi 1-3. Ishte një ndeshje speciale në fakt për kapitenen e Kombëtares së volejbollit të femrave, sepse luante kundër ish-skuadrës së saj, Novërës, me të cilën është shpallur kampione e Europës.
Në ndeshjen e luajtur më 10 janar, Erblira Bici shënoi 17 pikë për skuadrën e saj dhe klubi i ka dedikuar një videoklip të veçantë volejbollistes shqiptare. Një videoklip i titulluar “Erblira Bici on fire”, ku shfaqen pikët e realizuara nga volejbollistja kuqezi, si dhe evidentohen shpirti i garës dhe rendimenti i saj. Klubi italian e konsideron Bicin një lidere të vërtetë.
Ky videoklip është postuar edhe në faqen zyrtare në Facebook të Federatës Shqiptare të Volejbollit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
