Qindra qytetarë ishin mbledhur në shi deri në orët e para të agimit në brigjet e Seinës. Një lloj mrekullie kishte ndodhur në orët e para të mëngjesit, pasi një nga ndërtesat më të mëdha të kohës së mesjetës i kishte mbijetuar shkatërrimit.
Zjarri që u përhap përmes katedrales së Notre Dame mbrëmjen e së hënës u vu nën kontroll vetëm në agim. Pa dyshim që Notre Dame ka pësuar dëmë të mëdha. Franca, së bashku me pjesën më të madhe të botës, është tronditur thellësisht nga shkatërrimi i 'Zonjës së Vjetër” të Parisit' .
Megjithatë, mund të kishte shkuar shumë më keq. Dy kullat 850 vjeçare dhe këmbanat e pavdekshme që varen brenda katedrales i kanë shpëtuar zjarrit. 'Zonja Jonë' jeton, e gjakosur, e kërrusur, por duket se jeton.
Zjarri madje ia doli të zbulonte një tjetër mrekulli. Katedralja që kohët e fundit ishin kthyer më se shumti në një objekt turistik, dukej se ka ri zbuluar magjinë e saj shpirtërore. "Asnjëherë nuk kam njohur kaq shumë njerëz që flasin hapur për Zotin, për fenë dhe për lutjet", thotë murgesha Marie-Astrid d'Arras. "Shumë njerëz duket se janë bërë katolikë edhe një herë".
Besimi në Zot, duket se u forcua edhe më shumë pasi një imazh që u shfaq dje në Daily Mail,kryqit të artë që kishte mbetur paprekur mes rrënojave.
“Unë isha një nga njerëzit e parën që hyra brenda katedrales që po digjej. Po shoqëroja kryeministrin francez, Edouard Philippe, për një inspektim paraprak”, thotë një zyrtar i lartë francez.”Përmes aromës së pështirë të tymit dhe ujit që mbushte zbrazëtinë, papritmas panë një imazh që na la pa fjalë: Kryqi i artë mbi altarin jo vetëm që i kishte shpëtuar flakëve, por qëndronte drejtë, totalisht i paprekur”, thotë ai.
Edhe ateistët e shpërndanë këtë imazh në mediat sociale. Disa anglez thanë se u kujtoi imazhin e famshëm të Katedrales së Shën Palit gjatë kohës së luftës.
Franca mund të jetë duke u lutur më shumë se zakonisht, por francezët janë po ashtu shumë të zemëruar. Presidenti Emmanuel Macron e di se ai duhet të jetë i kujdesshëm për çdo aspekt të këtij episodi dhe ministri i tij i brendshëm Christophe Castaner u zotua të identifikojë dje të dyshuarit.
Vëmendja ishte e fokusuar në mënyrë të vendosur tek kompania kontraktore për riparimin në çati në zonën, ku edhe shpërtheu zjarri. Fakti që ajo filloi vetëm pak çaste pas përfundimit të punës, ka bërë që qeveria të drejtojë gishtin nga kompania.
Macron anuloi të gjitha takimet për t'u përqendruar ekskluzivisht tek Notre Dame. Kaq e rëndësishme është kryevepra gotike e shekullit të 12-të për shoqërinë franceze.
Sipas ligjit francez, përgjegjësia për rindërtimin e katedrales është e Shtetit, por tatimpaguesit francez morën frymë lirisht të martën kur dy miliarderët më të fuqishëm të vendit dhuruan 300 milion euro në orët e para të mëngjesit. Deri në mbrëmë, fondi për rindërtimin e saj kishte arritur në 600 milion euro.
Përveç rrëfimeve të zjarrfikësve, në media filluan të dilnin edhe raporte për një prift që vraponte mes zjarrit për të shpëtuar disa nga thesaret e Notre Dame. Reagimi i lidëve botërorë ishte i menjëhershëm, madje pati edhe një mesazh solidariteti nga Mbretëresha e Anglisë.
"Princi Philip dhe unë jemi thellësisht të pikëlluar tek po shohim imazhet e zjarrit që ka rënë në katedralen Notre-Dame", tha ajo për Presidentin Macron. "Mendimet dhe lutjet e mia janë me Francën në këtë kohë të vështirë".
Në Notre Dame, nuk do të ketë Pashkë për herë të parë në gati nëntë shekuj. Edhe për qytetarët jashtë Francës, ajo përfaqëson një nga arritjet më të mëdha arkitektonike të qytetërimit perëndimor dhe është një thesar për gjithë njerëzimin.
Në fund të fundit Papa Aleksandri III, ishte ai që hodhi gurin e parë të themelit në vitin 1163. Solidariteti ndërkombëtar i shtoi emocionet që pushtuan Parisin të martën. Turmat që luteshin ose këndonin rreth katedrales në të dy anët e Seinës nuk u larguan pavarësisht shiut.
Përpara vetë Notre Dame, një sërë politikanësh folën për unitet kombëtar. Pas disa muajve të tëra mosbindjeje civile nga jelekverdhët, vullneti port protesta është pakësuar gjatë 24 orëve të fundit. Parisianët dhe turistët u mblodhën jashtë Notre Dame për vigjilje, duke kënduar “Ave Marian” dhe duke biseduar më zë të ulët me njëri tjetrin.
Edhe në kishën e Shën-Suplicës, e ndërtuar në shekullin e 17-të dhe e rëndësishmja për katolikët francez, ra një zjarr i fuqishëm muajin e kaluar, por dëmet e saj nuk krahasohen me ato të katedrales së vjetër.
Pamjet e njerëzve që këndonin "Ave Maria" dhe gjunjëzoehsin jashtë ndërtesës 856 vjeçare pushtuan rrjetet sociale, duke u marrë 15 milion shikime. Sot parisienët morën frymë lirisht kur panë katedralen nga dritaret e shtëpive mes pavarësisht nga frika se gjithë ndërtesa do të shembej gjatë natës.
"Dje kemi menduar që katedralja do të shembej. Megjithatë, këtë mëngjes ajo qëndron ende në këmbë, pavarësisht nga gjithçka ", thotë motra Marie Aimee. “Kjo është një shenjë shprese”.
Presidenti francez Emmanuel Macron u zotua sot të rindërtojë katedralet gotike, duke thënë se ajo do të rikthehej në lavdinë e saj të dikurshme brenda pesë vjetësh.
"Ne kemi aq shumë për të rindërtuar," Macron tha në një fjalim televiziv. "Por ne do ta rindërtojmë Katedralen Notre Dame edhe më bukur”, theksoi ai.
Autoritetet e konsiderojnë zjarrin si një aksident, ndoshta si rezultat i punës së restaurimit në thesarin arkitekturor botëror që i mbijetoi pothuajse 900 vjetëve të historisë së trazuar franceze, por u shkatërrua Javën e Shenjtë.
Prokurori i Parisit Remy Heitz tha se hetimi do të ishte 'i gjatë dhe i ndërlikuar'. Pesëdhjetë hetues po punonin intervistonin punëtorët e pesë kompanive të punësuar për rinovimet në çatinë e katedrales, ku shpërthyen flakët.
Heitz tha se një alarm zjarri fillestar u dëgjua të hënën në orën 6.20, por nuk u pa asnjë zjarr. Alarmi i dytë u dëgjua në orën 6.43, kur flakët u panë në çati.
Hetuesit kanë marrë në pyetje gati 30 persona, tha një zyrtar i policisë gjyqësore në Paris, duke folur në kushte anonimiteti.
'Notre Dame ka mbijetuar historinë revolucionare të Francës dhe jemi shumë të tronditur që kjo ndodhi gjatë punimeve të ', tha ish-ministri i kulturës me ndikim Jack Lang.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.