.png)
Një person është arrestuar dhe dy të tjerë janë nën hetim nga Policia e Shkodrës, duke bërë të mundur parandalimin e një ngjarjeje të mundshme kriminale.
Mësohet se shtetasi A.T, 45 vjeç, banues në Mjedë Shkodër, ka kërkuar ndihmën e policisë, pasi dyshonte se prej disa ditësh po e ndiqnin disa persona të panjohur nga ana e tij dhe që lëviznin me një automjet tip “Golf”.
Pas bllokimit të automjetit të dyshuar në fshatin Mjedë, ka rezultuar se qarkullonin tre shtetas dhe në brendësi të makinës, u gjetën tre shkopinj bejsbolli dhe një bidon me 5 litra benzinë.
Gjithashtu në banesën e njërit prej këtyre shtetasve konkretisht, Florjan Vasija, banues në Dajç, Lezhë, policia gjeti dy armë zjarri gjysmë automatik dhe 821 copë fishekë luftarak.
Vasija u vu në pranga, si i dyshuar për kryerjen e veprave penale “Prodhimi dhe mbajtja pa leje e armëve luftarake dhe e municionit” dhe “Prodhimi, mbajtja, blerja apo shitja pa leje e armëve të ftohta” .
Gjithashtu, janë proceduar penalisht në gjendje të lirë dy shtetasit e tjerë Z.V., banues në Lezhë dhe E.D., banues në Tiranë, të dyshuar për kryerjen e veprës penale “Prodhimi, mbajtja, blerja apo shitja pa leje e armëve të ftohta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
