Bashkia e Tiranës i heq licencën kompanisë që ofron shërbimin e transportit publik në Unazën e qytetit.
Vendimi është njoftuar nga kryebashkiaku i Tiranës, Erion Veliaj.
“Kam vendosur këtë javë t’i heq licencën linjës së Unazës, për një sjellje të papërgjegjshmem për abuzime gjatë të gjithë kohës me justifikime për të ofruar shërbim”, tha kryebashkiaku.
Veliaj deklaroi se bashkia po vëzhgon me imtësi edhe linjat e tjera, ndërsa tha se tranzicioni për linjën e unazës do të përmbyllet para nisjes së vitit të ri shkollor. Para kësaj, date, që është përcaktuar 27 shtatori, kryebashkiaku tha se do të hyjë në fuqi edhe regjimi i qarkullimit të mjeteve të transportit të mallrave.
“Po vëzhgojmë edhe kompani të tjera. Disa linja lëshuan veten dhe bënë përjashtim nga punët e qytetit. Kam marrë vendim për linjën e Unazës, tranzicioni do të ndodhë para vitit shkollor dhe do të hyjë në fuqi regjimi i furnizimit”, u shpreh ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.