Ekspertët e shëndetit në SHBA, kanë deklaruar se gjendja e rëndë inflamatore e ngjashme me sëmundjen “Kawasaki” e cila nxitet nga Covid-19, mund të prekë edhe adoleshentet edhe të rriturit deri në moshën 20 vjeç.
Sipas tyre pacientët e infektuar kanë zhvilluar antitrupa, kështu që sëmundja dhe gjendja e zhvilluar është një përgjigje e imunitetit për të reaguar kundër infeksionit.
Ata janë shprehur se kjo gjendje do të njihet me emrin PIMS-TS (sindromi inflamator pediatrik pediatrik i shoqëruar përkohësisht me SARS-CoV-2).
Të dhënat tregojnë se pacientët e rritur të prekur nga kjo gjendje e re kanë simptoma më të rënda se fëmijët, të cilat mund të ndikojnë në mushkëri dhe në zemër. Trajtimet e tanishme duket se janë efektive dhe përfshijnë steroid, antikoagulantë, imunoglobulin dhe, herë pas here, ventilim në kujdesin intensiv.
Adoleshentët kanë simptoma të lidhura më ngushtë me sëmundjen Kawasaki, të tilla si inflamacioni i enëve të gjakut dhe skuqjet e tyre. Sidoqoftë, gjendja që nxitet të shfaqet duket se mund të infektojë një sërë njerëzish, nga foshnjat deri tek më të moshuarit.
Burimi:Daily Mail/ Përktheu Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.