Gazeta Si- Tre persona janë shpallur në kërkim në lidhje me vdekjen e punëtorit të ndërtimit në Shëngjin, Emilano Frroku një ditë më parë.
Në kërkim janë shpallur admninistratori i firmës për ndërtimin e pallatit ku po punonte 28-vjeçari, sipërmarrësi i punimeve dhe drejtuesit teknik të firmës së ndërtimit.
Bëhet fjalë për L.N., 51 vjeç, banues në Tiranë, administrator i firmës për ndërtimin e pallatit; M.B., 51 vjeç, banues në Tiranë, sipërmarrës i punimeve; L.H., 32 vjeç, banues në Tiranë, drejtues teknik i firmës së ndërtimit. Ata akuzohen për veprat penale “Ndërtimi i paligjshëm” dhe “Shkelja e rregullave të mbrojtjes në punë”
Nga veprimet hetimore dyshohet se këta shtetas i kryenin ndërtimet në pallat, të papajisur me dokumentacionin e duhur.
Gjithashtu, dyshohet se nuk kishin marrë masat për sigurimin e rregullave të mbrojtjes në punë, dhe si pasojë ka rënë aksidentalisht, nga lartësia e pallatit, gjatë procesit të punës, 28-vjeçari.
Ndërkaq nisi procedimi në gjendje të lirë, për veprat penale “Ndërtimi i paligjshëm” dhe “Punësimi i paligjshëm”, për një 44-vjeçar, H.H., punëtor i firmës së ndërtimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.