Shendet

Vdekja e një foshnjeje tjetër në Itali, ringre alarmin mbi rreziqet e synetit

Një djalë pesë muajsh ka vdekur pasi prindërit kryen një rrethprerje (synet) në shtëpinë e tyre në Itali. Foshnja u dërgua në një spital të Bolonjës me arrest kardiak të premten në mbrëmje, por vdiq pak pas kësaj. Autoritetet në provincën veriore Reggio Emilia kanë hapur një hetim kundër prindërve, të cilët raportohet të jenë me prejardhje ganeze.

Në një rast të ngjashëm, një djalë dyvjeçar vdiq pas një rrethprerje të dështuar në një qendër emigrimi gjatë muajit dhjetor në Romë. Rreth 5,000 rrethprerje kryhen në Itali çdo vit, por më shumë se një e treta janë kryer në mënyrë të paligjshme, sipas qendrës shëndetësore Amsi.

A është rrethprerja e sigurtë?
Megjithëse është një procedurë mjekësore relativisht e thjeshtë, rrethprerja nuk është tërësisht pa rrezik. Mjekët mund të rekomandojnë që një burrë apo një djalë të rrethpritet nëse ka lëkurën e pensit, jashtëzakonisht të ngushtë, të njohur si phimosis ose vuan nga infeksione të përsëritura të prepuzës dhe penisit, të njohur si balanitis. Ekzistojnë gjithashtu disa dëshmi se meshkujt që janë të rrethprerë kanë një rrezik më të ulët të kontraktimit të viirusit HIV. Nuk është e qartë nëse rrethprerja zvogëlon rrezikun e infeksioneve të tjera seksualisht të transmetueshme, por studimet sugjerojnë se mund të ulë mundësinë e lythave gjenitale të shkaktuara nga një familje e viruseve të quajtur HPV.

Rreziqet kryesore të operacionit janë gjakderdhja dhe infeksioni. Në Mbretërinë e Bashkuar, mundësia e këtyre komplikacioneve ndodh një në 50 raste, sipas faqes së internetit të NHS.

Si krahasohen vendet e tjera europiane?
Rrethprerja është e ligjshme në të gjithë Evropën, edhe pse praktika po bëhet gjithnjë e më e diskutueshme. Një gjykatë në Gjermani miratoi një ndalim lokal në vitin 2012 pasi rrethprerja e një djalë mysliman katërvjeçar çoi në ndërlikime. Megjithatë, qeveria gjermane më vonë atë vit sqaroi se procedura është e ligjshme nëse kryhet nga praktikantë të trajnuar. Një vit më pas, Këshilli i Evropës u rekomandoi vendeve evropiane të ndërmarrin hapa për të siguruar praktika të mira mjekësore dhe sanitare gjatë kryerjes së rrethprerjes.

 

Më Shumë