.png)
Varianti i ri i koronavirusit ka mbërritur edhe në Francë.
Autoritetet atje kanë konfirmuar rastin e parë të variantit më të transmetueshëm që u identifikua më herët në Mbretërinë e Bashkuar.
Ministri i Shëndetësisë tha se bëhet fjalë për një shtetas francez në qytetin e Tours-it, i cili ishte kthyer nga Londra më 19 Dhjetor. Sipas informacioneve, ky person është asimptomatik dhe ndodhet i vetëizoluar në shtëpi.
Shfaqja e një varianti të ri të koronavirusit në Angli ka shkaktuar panik në të gjithë botën. Shumica e vendeve kanë marrë masa duke pezulluar hyrjet nga Britania. Franca për shembull mbylli kufijtë.
Megjithatë të mërkurën u vendos që të udhëtonin ata persona që testoheshin dhe dilnin negativë.
Sipas mediave, mutacioni i ri i virusit po zëvendëson variantet e tjera në qarkullim dhe është më shumë i tansmetueshëm. Megjithatë ende nuk ka prova nëse është më shumë i rrezikshëm.
Gjithashtu ekspertët thonë se vaksinat e zhvilluar kohët e fundit kanë gjithsesi efekt edhe me variantin e ri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
