.png)
Shumica e njerëzve nuk kanë gjasa të kenë reaksione të rënda alergjike ndaj vaksinës Pfizer, sipas mjekëve dhe ekspertëve të vaksinave, por në realitet vaksinat mund të japin efekte anësore. Dy nga njerëzit e parë që morën vaksinën Pfizer-BioNTech Covid-19 në Mbretërinë e Bashkuar kishin reagime alergjike ndaj injeksionit. Në javët e ardhshme, rregullatorët shëndetësorë të SHBA pritet të autorizojnë përdorimin emergjent të dy vaksinave Covid-19 një nga Pfizer Inc dhe BioNTech e një tjetër nga Moderna Inc. Ndërsa studiuesit nuk e kanë gjetur probleme serioze të sigurisë me vaksinat, ato vijnë me efekte anësore të mundshme, duke përfshirë ethe, lodhje, dhimbje koke dhe dhimbje krahu. Reaksione të rënda alergjike ka të ngjarë të jenë të rralla sipas ekspertëve. Të dy personat e sëmurë rëndë kishin histori të reaksioneve alergjike dhe merrnin adrenalinë për alergjitë e tyre. Të dy u shëruan pasi morën trajtim.
Agjencia Rregullatore e Barnave dhe Produkteve Shëndetësore (MHRA), organi që dha lejen për vaksinën Pfizer-BioNTech në Mbretërinë e Bashkuar, u ka thënë mjekëve dhe spitaleve se çdo person me një histori të reaksioneve alergjike të rëndësishme ndaj një vaksine, ilaçi ose ushqimi nuk duhet të marrë vaksinën Pfizer-BioNTech.
“Si masë paraprake, MHRA ka lëshuar udhëzime të përkohshme për NHS ndërsa kryen një hetim për të kuptuar plotësisht secilën rast dhe shkaqet e saj. Pfizer dhe BioNTech po mbështesin MHRA në hetim. Në provën klinike të fazës 3, vaksina përgjithësisht tolerohej mirë pa ndonjë shqetësim serioz të sigurisë të raportuar nga Komiteti i Pavarur i Monitorimit të të Dhënave” tha kompania Pfizer duke shtuar se 42,000 nga 44,000 pjesëmarrës në provë kanë marrë edhe dozën e dytë të vaksinës.
Efektet anësore janë shenja të diçkaje që quhet “reaktogjenitet”, thonë ofruesit e kujdesit shëndetësor dhe ekspertët e vaksinave, një tregues që sistemi imunitar po bën punën e tij. Por sipas ekspertëve këto efekte anësore të përkohshme mund të jenë më të larta nga sa presin njerëzit.
“Vaksinat Covid-19 janë “më reaktogjene se vaksinat e gripit”, tha Arnold Monto, një epidemiolog në universitetin e Miçiganit i cili kryeson panelin e ekspertëve që do të këshillojnë FDA në lidhje me autorizimin e vaksinave Covid-19.
Por sipas tij reaktogjeniteti është krejtësisht normal dhe njerëzit nuk duhet të kapen në befasi ose të dekurajohen nga marrja e vaksinave.
Kristen Choi, një pjesëmarrëse në një provë të vaksinave Pfizer dhe BioNTech e një profesore e infermierisë në universitetin e Kalifornisë, Los Angeles, tha se doza e dytë i shkaktoi dhimbje të forta krahu, të vjella dhe marramendje atë mbrëmje. Në mëngjesin tjetër, ajo kishte temperaturë të lartë dhe mori një medikament që e ndihmoi të kalonte gjendjen, por një punonjës i hulumtimit të provave klinike se këto efekte anësore që ajo kishte përjetuar ishin të rralla.
Choi tha se simptomat e saj mbaruan brenda 36 orëve, me përjashtim shenjës që kishte mbetur në krahun e saj në vendin e injeksionit. Sipas saj, efektet anësore kanë tendencë të jenë më të shpeshta pas dozës së dytë.
Midis personave 18 dhe 55 vjeç, 16% e pjesëmarrësve që morën vaksinën kishin ethe pas dozës së dytë. Pesëdhjetë e nëntë për qind raportuan lodhje, 52% raportuan dhimbje koke dhe 35% raportuan ethe. Tridhjetë e shtatë për qind kishin dhimbje muskulore, 22% raportuan dhimbje të kyçeve dhe 10% raportuan se kishin diarre. Ata që janë më të vjetër se 55 vjeç kanë tendencë të raportojnë më pak efekte anësore. Një pjesë e vogël e pjesëmarrësve në provat e vaksinave klasifikuan simptomat e tyre si të rënda, të përcaktuara si parandalimin e aktivitetit të përditshëm, me atë që ndodh më shpesh pas dozës së dytë sesa pas së parës. Në rastin e vaksinës së Pfizer dhe BioNTech, deri në 4.6% të atyre që morën vaksinën raportuan efekte anësore të rënda.
“Njerëzit e moshuar dhe ata në ambientet e kujdesit afatgjatë duhet të ndjehen të sigurt kur marrin vaksinën. Efektet anësore mund të jenë të pakëndshme për një ose dy ditë, por ato zbehen në krahasim me marrjen e virusit,” tha Joseph Ouslander, një profesor i mjekësisë në universitetin Atlantic në Florida.
Një rishikim i një studimi të fazës së vonë Moderna zbuloi efekte anësore të rënda përfshirë dhimbjen e krahut në 2.7% të pjesëmarrësve pas dozës së parë të vaksinës. Efektet anësore të rënda pas dozës së dytë përfshinin lodhje në 9.7% dhe dhimbje muskulore në 8.9%, ndërsa 5.2% përjetuan dhimbje të forta të kyçeve dhe 4.5% kishin dhimbje koke të fortë.
Choi i tha se ajo mendon se ishte një nga të paktët që përjetoi efektet anësore më të rënda, të cilat në disa raste, mund të duken si simptoma të Covid-19.
“Është e rëndësishme që njerëzit të kuptojnë se vaksina nuk shkakton përsëri infektimin e Covid-19,” tha ajo.
Burimi:The Wall Street Journal/Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje