Gazeta Si - Territori i Shqipërisë do të jetë nën ndikimin e masave ajrore me origjinë verilindore duke sjellë vranësira dhe reshje shiu e dëbore në pjesën më të madhe të vendit, më të theksuara në zonat skajin verior dhe Jugor të vendit.
Parashikohet që orët e mesditës dhe në vijim të sjellin largim gradual të vranësirave nga i gjithë territori i vendit duke rikthyer intervalet me kthjellime, por temperaturat do të mbeten të ulëta. Ndërkohë do të rikthehen sërish ngricat në akset rrugore në të gjithë zonën malore të Shqipërisë.
Ulja e temperaturave në Bulqizë ka rikthyer reshjet e dëborës në lartësinë 500 metra mbi nivelin e detit.
Reshjet e dëborës janë të pranishme edhe në disa fshatra të thella të Njesisë administrative Zerqan, Ostren dhe Martanësh.
Prezencë të reshjeve ka edhe tek minierat e Zonës D, Ternovë dhe Martanesh. Aktualisht nuk ka vështirësi në rrugët qe të çojnë për tek mimiera, e megjithatë policia bën thirrje drejtueseve të automjeteve që transportojnë minatorët të kenë kujdes pasi terreni ku kalojnë rrugët është i vështirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
