Zonat malore në Qarkun e Korçës dhe të Kukësit janë përfshirë nga reshjet e para të dëborës këtë mëngjes, me temperaturat që kanë rënë në 3°. Reshje borë ka pasur në Malin e Gramozit në Kolonjë dhe në Mokër të Pogradecit.
Në Korçë ka pasur borë në fshatin Shtyllë dhe Panarit. Reshjet kanë qenë të lehta dhe nuk kanë shkaktuar probleme për qarkullimin e mjeteve.
Probleme të vogla mësohet të ketë pasur në disa fshatra të zonave malore sa i përket furnizimit me energji elektrike kryesisht në linjat e tensionit të ulët.
Prej mbrëmjes së djeshme temperaturat kanë pësuar ulje të ndjeshme edhe në Kukës, duke u shoqëruar me reshje shiu dhe erëra të forta në qytet dhe fshatrat përreth.
Zona e larta malore janë mbuluar nga mjegulla, ndërsa disa zona janë përfshirë nga reshjet e para të dëborës.
Nga mesnata e djeshme dëbora ka zbardhur Shishtavecin dhe malin e Gjallicës. Autoritetet shprehen se kanë marrë masa për të përballuar pasojat e motit të keq dhe uljen e temperaturave.
Reshjet e dëborës kanë përfshirë edhe verilindjen e vendit, konkretisht zonat malore të Kalasë së Dodës dhe Lurën. Deri më tani nuk raportohet probleme në rrugë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.