Gazeta Si – Një gol i shënuar nga mbrojtësi argjentinas Lautaro Xhaneti ka vendosur ndeshjen në Torino, ku skuadra e Alegrit ka marrë një goditje të fortë, që zbeh ndjeshëm shpresat për titullin kampion. Diferenca me Interin kryesues është -7 pikë, ndërkohë që në rrezik është edhe vendi i dytë, sepse Milani është vetëm 1 pikë prapa.
Juventusi është mundur 0-1 në fushën e tij nga Udineze, në ndeshjen e javës së 24-t të Serisë A. Është humbja e dytë radhazi në kampionat, pas asaj me Interin, që për më tepër ka edhe një ndeshje më pak.
Ai që ka tronditur ambicjet për titull të bardhezinjve është një tjetër Lautaro nga Argjentina, por që mbiemrin e ka ka Xhaneti. Mbrojtësi i Udinezes gjeti devijimin 3-pikësh në minutën e 25-të të ndeshjes. Gabimet e Milik dhe pritjet e Okoje më pas bënë që rezultati të mos ndryshonte deri në fund.
Me këtë humbje situata mund të marrë një rrjedhë tjetër te Juventusi, me Alegrin që mund të rrezikojë. Bardhezinjtë, pas asnjë impenjim në Europë, kanë marrë vetëm 1 pikë në 3 ndeshjet e fundit, 2 prej të cilave i kanë luajtur në shtëpi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
