Gazeta Si – Dy turistë lituanezë janë shpëtuar mbrëmjen e së premtes në zonën e Karaburunit. Policia tha se kishin marrë njoftim se dy turistët e kishin të pamundur të vazhdonin lëvizjen në vendin e quajtur “Gjiri i Anglezit”, pasi nuk ndiheshin mirë.
“Menjëherë pas marrjes së njoftimit, janë organizuar shërbimet e Policisë Kufitare për t’iu ardhur në ndihmë turistëve”, njoftoi policia.
Pas disa orë kërkimesh, ata u gjetën dhe u shoqëruan drejt policisë në Himarë. Aktualisht turistët ndodhen në gjendje të mirë shëndetësore.
“Turistët kanë falenderuar shërbimet e Policisë për reagimin e menjëhershëm dhe profesionalizmin e treguar. Policia Kufitare e Vlorës është e angazhuar maksimalisht në shërbim të qytetarëve dhe vizitorëve, për të krijuar një ambient sa më të sigurt”, njoftoi policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
