Gjashtë personat e arrestuar në një operacion policor të premten e kaluar në Tiranë me akuzën për kontrabandë ilaçesh gjatë pandemisë, janë lënë në "arrest shtëpie" nga gjykata.
Kështu, Blerim Bitri, Florian Marku, 39 vjeç, Margarita Xhaxhiu, Jani Papuli, Florian Lila, 40 vjeç dhe Bashkim Osmani, pjesa më e madhe prej të cilëve janë administratorë farmacish, do të qëndrojnë në shtëpi deri në përfundim të hetimeve.
Jashtë gjykatës, avokatët e këtyre personave kërkuan para mediave masa më të lehta sigurie për klientët e tyre, duke thënë se nuk është koha për të arrestuar staf mjekësor.
Policia tha pasi kreu operacionin “Përfitimi” se “arrestimi i tyre u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë”. Autoritetet sekuestruan në cilësinë e provës materiale barna të ndryshme, një automjet dhe 6 aparate celular.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.