Rafael Nadal fitoi titullin e tij të 19-të Grand Slam, pasi një përballje të jashtëzakonshme kundër rusit Danil Medvedev në një nga finalet më emocionuese të US Open. Spanjolli Nadal fitoi 7-5; 6-3; 5-7; 4-6; 6-4; në New York, por e gjitha kjo erdhi pas katër orëve dhe 50 minutave shumë të lodhshme. Kjo përballje ishte vetëm katër minuta më e shkurtër se finalja më e gjatë e US Open në histori.
Fitorja e Nadal e afron atë me piedestalin e tenistëve të të gjithë historisë, duke kërcënuar zviceranin Roger Federer që deri tani kryeson fitoret e Grand Slam të meshkujve. “Ka qenë një nga netët më emocionuese në karrierën time në tenis,” tha Nadal. “Ka qenë një finale e mahnitshme, një ndeshje e çmendur”.

Medvedev, 23 vjeç e vuri në vështirësi kundërshtarin e tij dhe i shikoi shumë pranë suksesit, por gjithsesi ia doli që t’i merrte brohorimat e tifozëve në “Artur Ashe”. “Unë thjesht dua ta uroj Rafën, një titull i 19-të i Grand Slam është diçka e pabesueshme,” tha Medvedev, i cili dukej i mahnitur kur shikonte një video-montazh të arritjeve të Nadal, pasi vetëm pak minuta ishte duke u përballur me të, denjësisht.
24 mijë tifozët në “Artur Ashe” në këtë finale të US Open ishte më shumë se sa te zhurmshëm dhe spektakolar. Medvedev ishte mashtruar nga turma më herët në këtë turne, por megjithatë e dëgjoi emrin e tij të thirrur me zë të lartë nga shumë njerëz pasi bëri një ndeshje të denjë.
Nadal, Federer dhe Djokovic kanë fituar 12 Grand Slam-et e kaluara pasi spanjolli e ngriti trofeun në New York për herë të katërt. Tani Nadal ka shansin të barazojë me 38-vjeçarin Federer.

Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.