.png)
Mos mendoni se bëhet fjalë për të qënit ekstrovers, bizar apo ekzibisionist. Stili “pa gjini” është tashmë një trend i vërtetë, që vjen nga larg. Ai propozon që të kapërcejmë kufijtë e ashpër mes gjinive dhe të promovojmë një modë më të hapur, përfshirëse dhe në gjendje të reflektojë plotësisht personalitetin e atij që e vesh. Shembulli më i fundit është zgjedhja e aktorit Billy Porter (që nuk e ka për herë të parë veshjen befasuese dhe teatrale) gjatë ceremonisë së fundit të Golden Globe 2020.
Pa qenë nevoja të përmendim referime historike të heronjve që mposhtnin armiqtë e tyre të veshur me kilt (fundet tipike skoceze), pasarelat e modës mashkullore kanë qenë të mbushura me raste të tilla. Një hapësirë e gjerë, përzjerjes së stilit mashkull-femër, iu dha edhe gjatë edicionit të fundit të Javës së Modës në Nju Jork. Veshje të dala nga garderobat e grave për t’u veshur edhe nga meshkujt: A përbëjnë akoma diçka sensacionale, apo tashmë shoqëria është gati për këtë lloj mesazhi?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
