.png)
Gazeta Si- Dy persona me iniciale Th.B., 50 vjeç banues në Sarandë dhe F.D., 31 vjeç, banues në Konispol, me precedentë penalë në fushën e narkotikëve, janë arrestuar në Gjirokastër.
Policia tha se në një automjet tip “Jaguar” që drejtohej nga 50-vjeçari, në urën e Kardhiqit, u gjetën 2 thasë me rreth 15.8 kilogramë kanabis.
Nga hetimet paraprake dyshohet se lënda narkotike po transportohej me qëllim trafikimin.
Si bashkëpunëtor i 50-vjeçarit, u arrestua edhe një 31-vjeçar. Ai lëvizte me një automjet tip “Mini Cooper”, me të cilin monitoronte rrugën ku kalonte automjeti me lëndën narkotike, me qëllim shmangien e shërbimeve të policisë.
Sakaq, janë sekuestruar 2 thasë me rreth 15.8 kilogramë kanabis, 2 automjete tip “Jaguar” dhe “Mini Cooper” dhe 6 celularë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
