.png)
Gazeta Si - Një 59-vjeçar është shpallur në kërkim, pasi e kishte shndërruar lokalin e tij në Tiranë në “kazino”.
Gjatë kontrollit në lokalin të cilin e kishte me qira në zonën e ”Selvisë”, në momentin që u shfaqën inspektorët në derë, klientët u larguan me vrap.
Pas këtij momenti, administratori, S.B., ka mbyllur brenda në ambientet e lokalit inspektorët e Agjencisë së Mbikëqyrjes së Lojërave të Fatit.
Është dashur ndërhyrja e zjarrfikëseve për hapjen e derës, ndërsa brenda ambientit policia sekuestroi 8 kompjuterë që përdoreshin për lojërat e fatit.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
