.png)
Gazeta Si – Ka nisur pasditen e kësaj të hëne në Tiranë protesta e dytë radhazi e qytetarëve dhe ambientalistëve kundër ndërtimit të resortit 4 miliardë eurosh që është planifikuar të ndërtohet në Zvërnec të Vlorës.
Dhjetëra qytetarë kanë mbushur rrugët e kryeqyetit duke iu drejtuar sheshit “Skënderbej”. Protestuesit janë grumbulluar fillimisht para Ministrisë së Brendshme, nga marshuan drejt godinës së kryeministrisë. Në duar mbajnë pankarta me mesazhe si “Shqipëria nuk është në shitje” dhe slogane të forta politike.
Gjatë protestës, disa nga qytetarët kanë rrethuar me tel me gjemba godinën e Ministrisë së Brendshme, si shenjë e protestës së tyre për mbrojtjen e Zvërnecit.
Ky është tubimi i dytë radhazi pas thirrjeve të shpërndara përmes rrjeteve sociale. Një ditë më parë, qindra qytetarë marshuan nga Drejtoria e Policisë së Tiranës drejt Ministrisë së Brendshme dhe përfunduan para Kryeministrisë, duke treguar angazhimin e fortë të qytetarëve për çështjet mjedisore dhe ruajtjen e hapësirave të mbrojtura.
Kjo protestë vjen pas zhvillimeve që ndodhën të shtunën e 29 majit në Zvërnec, ku gjatë një proteste të thirrur nga qytetarë e ambientalistë, një protestues u dhunua barbarisht nga disa roje të një kompanie sigurie private.
Pamjet filmike të shpërndara në rrjetet sociale treguan persona civilë pa uniformë që tërhiqnin zvarrë një protestues, ndërsa policia e Vlorës pranishme nuk ndërhyri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje