.png)
Gazeta Si - Dy të rinj janë arrestuar në Tiranë, pasi kanë vjedhur një 23-vjeçar, duke e kërcënuar me armë, ndërsa janë shpallur në kërkim dy bashkëpunëtorë të tyre.
Policia thotë se të ndaluarit, nën kërcënimin e armës, i vodhën 1450 euro, celularin dhe biçikletën 23-vjeçarit K.Z.
Të arrestuarit janë R.Th., 23 vjeç, banues në Tiranë, i cili akuzohet për vjedhje me dhunë në bashkëpunim, dhe S. O., 19 vjeç, banues në Tiranë, i cili akuzohet për vjedhje me dhunër në bashkëpunim, për mbajtje pa leje e prodhim armësh, për prodhim dhe shitje droge.
Gjatë kontrollit të 19-vjeçarit, policia gjeti dhe sekuestroi një pistoletë, një shumë parash dhe një sasi kanabisi.
Në kërkim janë shpallur M. F., 23 vjeç, dhe E. S., 20 vjeç, të dy banues në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
