.png)
Gazeta Si – Teuta ka triumfuar në finalen e Kupës së Shqipërisë në basketboll për meshkuj, duke mundur 82-74 skuadrën e Kamza Basket. Një fitore e bukur e durrsakëve, të cilët në fund arritën të bënin shkëputjen dhe të bënin të vetin trofeun.
Ndeshja e zhvilluar në “Dhimitraq Goga” ishte e hapur. Ajo nisi më mirë për Teutën, që fitoi periodën e parë 23-16. E dyta ishte më e mirë për Kamza Basket, që e ngushtoi diferencën në 40-36.
Pas një periode të tretë më të ekuilibruar, në të katërtën durrsakët ishin ata që dominuan për ta mbyllur ndeshjen me 8 pikë diferencë ndaj kundërshtarit. Festa në fund ishte e gjitha për Teutën, që në përbërje ka edhe basketbollistë të huaj.
Trofeun e Kupës së Shqipërisë ia dorëzoi skuadrës durrsake presidenti i Federatës Shqiptare të Basketbollit, Avni Ponari.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
