Moti i keq me stuhi në jug, ciklon tropikal nga Tirreni në detin Jon, stuhi me një intensitet 5000 rrufe në orë në Siçili, janë vetëm disa nga pikat ekstreme të prekura nga kjo fazë e fundit e trazuar.
Antonio Sanò , drejtor dhe themelues i faqes www.iLMeteo.it, parashikon dhe konfirmon ardhjen e një tetori të jashtëzakonshëm.
Pas një faze të parë të gjatë të ngrohtë dhe me diell, të regjistruar midis 2 dhe 10 tetorit,nga fundjava një rikuperim i fortë nga anticiklonet e Afrikës Veriore do të sjellë diell dhe vapë për një kohë të gjatë.
Tetor i jashtëzakonshëm
Për herë të parë, tetori do të jetë i jashtëzakonshëm në të paktën 4 aspekte kryesore.
Aspekti i parë: Në të njëjtin muaj do të gjejmë faza të ngrohta dhe të qëndrueshme.Në një nga muajt më të lagësht dhe më të paqëndrueshëm të vitit, nëse parashikimi vërtetohet, do të ketë 20-25 ditë të thata, me diell dhe të nxehta.
Aspekti i dytë: sipas të dhënave ISAC-Cnr(Instituti i Shkencave Atmosferike dhe Klimës) periudha janar -Shtator 2022 ishte më e nxehta e regjistruar ndonjëherë nga viti 1800 deri më sot: në tetor do të përjetojmë një tjetër ‘flakë’ të Afrikës së Veriut me vlera shumë të nxehta dhe 2022 do të vazhdojë të jetë më i nxehti në 222 vjet.
Aspekti i tretë: temperaturat do të jenë jashtëzakonisht të ngrohta për këtë periudhë në pjesën më të madhe të Europës.
Priten vlerat 8-10°C mbi mesataren midis Francës dhe Gjermanisë, 6-7°C në Itali me 26°C në Romë, deri në 27°C në fundet e luginës së Tirolit Jugor, edhe më shumë në Siçili dhe Sardenja me maja 28-30 °C. Edhe Milano do të ndiejë frymën e Afrikës së Veriut me temperatura maksimale deri në 24-25 °C: mos harroni se mesatarja për periudhën është rreth 18 °C.
Ngrohtë deri në nëntor
Aspekti i katërt: Tetori i ngrohtë do të ketë një kohëzgjatje të mundshme madje disa të dhëna tregojnë mundësinë e presionit të lartë dhe motit të qëndrueshëm deri në javën e parë të nëntorit. Pra, le të bëhemi gati të përjetojmë një tetor të jashtëzakonshëm për herë të parë: pas një faze shumë të fortë të motit të keq ende në disa zona të jugut.
Burimi: la Reppublica; Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
