.png)
Të paktën 22 njerëz kanë mbetur të vdekur dhe 1.031 të tjerë u plagosën pas një tërmeti të fuqishëm me magnitudë 6.8 që tronditi provincën lindore turke të Elazığ të premten në mbrëmje.
Sipas Autoritetit për Menaxhimin e Fatkeqësive dhe Emergjencave në Turqi (AFAD), 17 njerëz u vranë dhe 654 njerëz u plagosën në Elazığ, provinca më shumë e prekur. Katër të tjerë u vranë dhe 226 njerëz u plagosën në provincën e afërt të Malatya. Dhjetëra të tjerë u plagosën gjithashtu në provincat jugore dhe juglindore të Adıyaman, Kahramanmaraş, Dijarbakir, Şanlıurfa dhe Batman.
Në një konferencë për shtyp të mbajtur të shtunën, ministri i Brendshëm Süleyman Soylu tha se katër persona vdiqën në provincën Doğanyol të Malatya, përveç 18 të tjerëve në provincën Elazığ, duke e çuar numrin e përgjithshëm të vdekjeve në 22. Soylu tha se 39 të mbijetuarit janë nxjerrë nga rrënojat. Ende po bëhen përpjekje për të shpëtuar 22 njerëz që besohet të jenë nën rrënoja në zona të ndryshme të Elazığ, shtoi ai.
Soylu ndër të tjera është shprehur se një burg në provincën Adıyaman, i dëmtuar nga tërmeti, do të evakuohet.
Një grua u shpëtua 14 orë pas tërmetit që goditi rajonin, duke çuar në 10 numrin e përgjithshëm të njerëzve, përfshirë dy fëmijë.
Një grua shtatzënë që u nxor nga rrënojat 12 orë pas tërmetit ishte ndër të mbijetuarat. Një vajzë 12-vjeçare që u shpëtua 11 orë pas tërmetit vdiq më vonë në spital.
Së bashku me Soylu, ministri i Shëndetësisë, Fahrettin Koca dhe ministri i Mjedisit dhe Planifikimit të Qytetit, Murat Kurum mbërritën në provincë të premten për të ndihmuar në koordinimin e ndihmës.
Koca tha se 1,031 njerëz janë dërguar në spitale me dëmtime të ndryshme. Trajtimi për 137 pacientë vazhdon, por asnjë nuk është në gjendje kritike, shtoi Koca.
Tërmeti goditi Sivrice në 20:55 nga një thellësi prej 6.7 kilometra, sipas AFAD. Sivrice, një qytet me një popullsi prej rreth 4,000 banorësh ndodhet në jug të qendrës së Elazığ, në brigjet e liqenit Hazar. Liqeni është një nga pikat turistike më të njohura në rajon dhe burimi i lumit Tigris. Është shtëpia e një “qyteti të zhytur”, me gjurmë arkeologjike që datojnë 4000 vjet më parë në ujërat e tij.
Menjëherë pas tërmetit fillestar, provinca u trondit më tej nga të paktën 274 paslëkundje, ku të paktën 12 prej tyre ishin me magnitudë 4, dhe më e larta ishte me magnitudë 5.4.
Tërmeti shkaktoi panik midis banorëve të qyteteve kryesore të Dijarbakir, Ianlıurfa dhe Adıyaman. Sipas raporteve fillestare, tërmeti u ndje deri në jug të Adana dhe në veri të Samsun, së bashku me veriun e Sirisë dhe Irakut. Mediat lokale në Liban kanë raportuar se qytetet e Beirut dhe Tripoli janë prekur gjithashtu nga tërmeti.
Presidenti Rexhep Tajip Erdogan ka thënë se janë marrë të gjitha masat për të ndihmuar njerëzit e prekur nga tërmeti, që shkaktoi panik të madh.
“170 ambulanca shtesë janë dërguar në provincat e Elazığ dhe Malatya. Ambulancat ajrore janë gjithashtu të gatshme për të ndihmuar të prekurit, - është shprehur ministri i Shëndetësisë, Koca, të premten. - Operacionet e kërkimit dhe shpëtimit vazhdojnë dhe numri i vdekjeve mund të rritet”, ka thënë ai.
Pesë ndërtesa në Sivrice dhe 25 në rrethin Doğanyol janë shkatërruar, tha Kurum. Ai gjithashtu paralajmëroi banorët të mos hyjnë në ndërtesa të dëmtuara.
Ministri i Mbrojtjes, Hulusi Akar, tha që ushtria është e gatshme të ndërhyjë në rast nevoje.
Menjëherë pas tërmetit, zyrtarët njoftuan se qindra kamionë që transportonin ndihma humanitare, përfshirë ushqim, ilaç, batanije dhe tenda, u dërguan në Elazığ dhe krahinat fqinje. Mijëra ekipe kërkimi dhe shpëtimi, si dhe personeli mjekësor, janë dërguar në zonë.
Përveç ndërprerjeve të shkurtra të energjisë elektrike, nuk u raportua për dëme të mëdha në infrastrukturë pas tërmetit. Sfida më e madhe për vendësit janë kushtet e vështira të dimrit në rajon, ku temperaturat bien në -8 gradë celsius gjatë natës. Personeli i urgjencës dhe njerëzit që prisnin në vendngjarje ndezën zjarr në rrugë. Qendrat sportive, shkollat dhe bujtinat janë hapur për të pritur të prekurit e tërmetit në Malatya.
Turqia është ndër vendet më aktive sizmike, pasi ndodhet në disa linja aktive dhe dhjetëra tërmete të vogla ndodhin çdo ditë.
Tërmeti Elazığ u shkaktua nga vija vdekjeprurëse e Anadollit lindor, e cila shtrihet për rreth 650 kilometra nga malësitë e Turqisë lindore deri në Mesdhe, nga ku kthehet në jug dhe takon skajin verior të sistemit të Riftit të Madh që ndan pllakat afrikane dhe arabe.
Ekspertët vunë në dukje se linja ishte kryesisht e heshtur, pasi prodhoi një seri tërmetesh shkatërruese në shekujt 16-të dhe 19-të. Sidoqoftë, tërmetet e fuqishme me intensitet të konsiderueshëm ndodhin shpesh në rajon. Në vitin 2010, provinca Elazığ u godit nga një tërmet me magnitudë 6, duke lënë rreth 51 viktima në fshatrat e rrethit Karakoçan. Rreth 350 kilometra në lindje në vitin 2011, një tërmet goditi qytetin lindor të Van dhe qytetin Erciş, rreth 100 kilometra në veri, duke lënë të paktën 523 njerëz.
Më shumë se 17,000 njerëz mbetën të vdekur dhe mbi 43,000 u plagosën kur një tërmet me magnitudë 7.4 tronditi rajonin Marmara për 37 sekonda në orët e para të 17 gushtit 1999, me epiqendrën e tij të vendosur në provincën e Gölcük, rreth 75 kilometra në juglindje të Bosforit. Tre muaj më vonë, më 12 nëntor 1999, 845 njerëz u vranë dhe gati 5,000 u plagosën kur një tërmet me madhësi 7.0 goditi provincën e Düzce, rreth 120 kilometra në veri-lindje të Gölcük.
Në shtator, një tërmet me madhësi 5.8 në detin Marmara tronditi Stambollin dhe përhapi panik në të gjithë qytetin, duke dëmtuar 34 dhe dëmtoi 473 ndërtesa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
