.png)
Dy persona janë arrestuar, pasi në bagazhin e makinës në të cilën udhëtonin, policia ka gjetur 8.5 kilogramë kanabis të vendosur në arka bananesh.
Arrestimi i dy personave është bërë në aksin rrugor Tiranë- Durrës, pas një ndjekje nga ana e patrullave të policisë, pasi drejtuesi i mjetit "Benz" që kishte lëndën narkotike, me të parë policinë, ka shtuar shpejtësinë e makinës, duke rrezikuar jetën e efektivëve që ishin në pikën e kontrollit.
Të arrestuarit janë një 30 vjeçar M.N banues në Vaqarr, drejtuesi i mjetit dhe një 36-vjeçar G.R, banues në Burrel, pasagjer mjeti. Materialet u referuan në Prokurorinë pranë Gjykatës së Shkallës së Parë Durrës për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
