Në një intervistë për CNN, Dominik Thiem ka folur për Adria Tour, organizuar nga Novak Djokovic e në të cilin ai vetë mori pjesë. Një event bamirësie që krijoi një vatër koronavirus. “Besoj se janë të gjithë shumë të padrejtë me të – ka shpjeguar tenisti austriak – Organizoi turneun për një qëllim të mirë, nuk detyroi askënd të shkonte e aq më tepër të luante apo komunikonin me të tjerët. Në fund ishte një vendim i yni. Bëmë një gabim, e na vjen keq, por për fat tani janë të gjithë shumë mirë”.
Numri 3 në botë mbron kolegun serb e bën mea-culpa. “Ishte e pamundur të mbanim distancën kur fëmijët afroheshin tek ne, por edhe në këtë aspekt duhet ta pranojmë. Kemi gabuar”.
Pas një shfaqje të dyfishtë në Berlin, Thiem duartroket modelin gjerman e lajmëron pjesëmarrjen e tij në US Open. “Ajo në Gjermani ishte një eksperiencë impresionuese. Besoj se të gjithë duhet të inspirohen nga një turne i tillë për të ndërtuar pjesën e mbetur të vitit. Masat e kontrollit për parandalimin e infektimit ishin shumë efikase, qëndruam gjithnjë në Hotel dhe e pranoj se u ndjeva i mbrojtur – shtoi ai -. Kështu mund të luhet edhe me një numër spektatorësh e me kapës topash në fushë. Për më tepër nëse do të luhet në New York, jam i sigurtë se do jem. Tenisi duhet të adaptohet me këtë situatë ekstreme e të kthehet gradualisht në normalitet”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.