Të shtëna me armë zjarri janë raportuar këtë të shtunë në fshatin Mushan të Shkodrës.
Nga ngjarja ka mbetur një person i plagosur. Bëhet fjalë për 24-vjeçarin Isak Mehmedaj.
Policia bën me dije se i riu ka shkuar për ndihmë mjekësore në spital ku është shfaqur i plagosur me armë zjarri. Rrethanat e plagosjes janë ende të paqarta. Mësohet se i riu është jashtë rrezikut për jetën, ka vetëm një plagë në këmbë.
“Më datë 09.10.2021, rreth orës 08:45, në Spitalin Rajonal Shkodër, ka shkuar për ndihmë mjekësore, dyshohet i plagosur me armë zjarri në rrethana ende të paqarta, jashtë rrezikut për jetën shtetasi I. M, 24 vjeç, banues në fshatin Mushan, Shkodër”, thuhet në njoftimin e policisë.
Mësohet se 24-vjeçari Mehmedaj është kushëri i vëllezërve Mehmedaj, ku njëri prej tyre, konkretisht Hydajet Mehmedaj është i dyshuar për vrasjen e të ‘fortit’ të Shkodrës, Ridvan Ramazani më 28 nëntor 2020.
Policia ndodhet në vendin e ngjarjes dhe ka nisur hetimet për zbardhjen e plotë të rrethanave të saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.