.png)
Me ndryshimet klimatike, deri në vitin 2090, Gjeneva do të ketë klimë mesdhetare. Kështu deklaroi një zyrtar zviceran i partisë së të Gjelbërve, sipas të cilit qyteti duhet të transformohet sipas modelit urban mesdhetar, me mure të bardha dhe infrastruktura që favorizojnë qarkullimin natyror të ajrit. Në fshat, nënvizon ai, kanë filluar të mbillen ullinj.
Zvicra do të preket veçanërisht nga ngrohja globale, thotë Antonio Hodgers, kreu i departamentit të tokës në kantonin e Gjenevës. “Për çdo dy gradë Celsius rritje të temperaturave globale, zona fushore do të regjistrojë katër gradë më shumë”, shton ai, duke specifikuar se llogaritjet bazohen në parashikimet e Panelit Ndërqeveritar të OKB-së për Ndryshimet Klimatike (IPCC).
Sipas Hodgers, Gjeneva duhet të përshtatet me verërat më të nxehta, çka detyron rritjen e hapësirave të gjelbra dhe reduktimin e sipërfaqeve të asfaltit. Hodgers gjithashtu planifikon mbjelljen e 150,000 pemëve.
Qendra historike e Gjenevës është “tashmë pjesërisht e përshtatur” me një klimë më të ngrohtë, vëren ai. “Ky aspekt duhet të merret parasysh kur vendoset për të ndërtuar apo rinovuar”. Sa i përket fushatës, “kantoni tashmë po i ndihmon fermerët”, vazhdon ai. “Disa po i përkushtohen pemëve të ullirit.”
Hodgers beson se shoqëria perëndimore do të jetë në gjendje të mësohet me standardet e reja të klimës. “Qeniet njerëzore janë krijuar për t’u përshtatur”, vëren ai, duke nënvizuar se “njerëzit kanë jetuar të lumtur në mesdhe për mijëra vjet”. Por, për 15% të popullsisë më të kërcënuar të botës, klima “do të bëhet e paqëndrueshme. Kjo është ajo që më shqetëson më shumë”, përfundon ai./Watson
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
