Kreu i Hezbollahut , Hassan Nasrallah, ka mbajtur fjalimin e tij të parë publik që nga shpërthimet vdekjeprurëse të martën dhe të mërkurën në të gjithë Libanin.
Në fjalimin e shumëpritur, ai akuzoi Izraelin se kaloi të gjitha vijat e kuqe dhe se sulmet në mjetet e komunikimit synonin të vrisnin 4 mijë njerëz njëkohësisht, duke i cliësuar ato një akt terrorist dhe një masakër.
“Sulmet me pager kishin për qëllim të vrisnin 4000 njerëz në një moment. Ky ishte qëllimi i armikut dhe kjo është shkalla e kriminalitetit. Si mund ta quajmë këtë lloj veprimi kriminal. A është një operacion i madh? A është gjenocid? A është masakër? Armiku izraelit kishte “kaluar të gjitha vijat e kuqe” dhe kishte shënjestruar shumë nga faqet në Liban në fillim të kësaj jave”, tha ai.
Sipas tij sulmet ishin një akt dhe një shpallje lufte kundër popullit të Libanit dhe sovranitetit të vendit.
Ai tha se shpërthimet ndodhën gjithashtu në farmaci, spitale, tregje, dyqane, shtëpi, makina dhe në rrugët ku ndodheshin shumë civilë.
Ministri i Shëndetësisë i Libanit, Firass Abiad thotë se numri i të vdekurve nga dy valë sulmesh në të gjithë vendin është rritur në 37, ndërsa 287 persona janë në gjendje kritike.
Nasrallah u shprehu ngushëllimet e tij atyre që kanë rënë në frontin në Libanin jugor dhe ata që vdiqën si pasojë e sulmeve të ditëve të fundit dhe u uron shërim të shpejtë të plagosurve.
Ai gjithashtu falënderoi mjekët, zyrtarët dhe të gjithë ata që ndihmuan në trajtimin e viktimave të sulmeve, përfshirë njerëzit që dhuruan gjak.
“Një nga pikat e para të krizës së ditëve të fundit është solidariteti dhe uniteti i përjetuar në të gjithë vendin”, vijoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
