Gazeta Si – Pas fitores të dhënë nga Trupa e Drejtësisë dhjetorin e kaluar, Superliga ka nisur punën për krijimin e një turneu të ri (pjesërisht ndryshe nga ai i prillit 2021),. Por jo vetëm.
A22, kompania që synon të sfidojë UEFA-n, i shkon më tej çështjes dhe po vlerëson situatën për hapjen e një procesi gjyqësor ndaj organizmit që drejton futbollin europian, ku do të kërkojë një dëmshpërblim prej 3.6 miliardë eurosh. Një shifër shumë e lartë.
Arsyeja? Vonesa që ka sjellë në zbatimin e asaj që u prezantua gati 3 vjet më parë, sipas ‘Calcio e Finanza’. Vonesë që erdhi për shkak të pozicionit që mbajti UEFA, që kishte monopolin në fushën organizative të kompeticioneve futbollistike në Europë.
Huaja që ishte rënë dakord me ‘JP Morgan’, arkëtimet e munguara që vijnë nga e drejta televizive, të ardhurat kommerciale dhe nga stadiumet: gjithçka shkoi dëm dhe sipas Superligës, UEFA është përgjegjëse kryesore për këtë situatë. Nga këtu lind e drejta për të kërkuar mbi 3 miliardë euro dëmshpërblim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
