Përshkallëzimi i situatës me lëshimin e raketave dhe bombardimeve mes Gazës dhe Izraelit, nuk po njeh kufi. Kjo, për shkak se luftimet dhe përleshjet e armatosura nga të dyja palët po godasin edhe selitë e huaja diplomatike.
Ambasada shqiptare në Izrael, ka raportuar se ka pasur goditje raketash kundër disa godinave që ndodhen pranë zyrave të saj.
Ambasada thekson në një postim në rrjetet sociale, se janë të shqetësuar për sulmet pa kriter nga Hamasi në drejtim të Izraelit dhe se situata duhet të de-pershkallëzohet menjëherë.
Raketat kanë rënë edhe lagjen Ramat Gan, në periferi të Tel Avivit, ku ndodhet dhe selia e ambasadës shqiptare.
Rocket strike in Ramat Gan, close to the Albanian Embassy too, amid heavy barrages on central Israel.
— Albania in Israel (@AlEmbassyIsrael) May 15, 2021
Very concerned by the Indiscriminate attacks by Hamas on Israel. Civilians on all sides must be protected and this explosive situation must de-escalate. https://t.co/30dHqtvwWd
“Goditje raketash në Ramat Gan, pranë ambasadës shqiptare gjithashtu, midis breshërive të mëdha në Izraelin qendror. Shumë të shqetësuar nga sulmet pa kriter nga Hamasi në Izrael. Civilët nga të gjitha anët duhet të mbrohen dhe kjo situatë shpërthyese duhet të de-përshkallëzohet”, shkruan ambasada shqiptare në “Twitter” teksa shpërndan postimin e ambasadës austriake, e cila gjithashtu është rrezikuar nga bombardimet.
“Sapo pati një goditje rakete në Ramat Gan afër ambasadës austriake. Për fat të mirë të gjithë jemi të sigurt. Kjo duhet të ndalet menjëherë!”, shkruan ambasadorja austriake në Izrael, Hannah Liko.
Mediat lokale në Izrael bëjnë të ditur se qendra e Tel Avivit është vënë në shënjestër të sulmeve të reja të raketave mesditën e sotme.
Ndërkohë dëshmitarët thonë se disa raketa janë arritur të asgjësohen nga sistemi i mbrojtjes i Izraelit. Hamasi thotë se raketat janë përgjigje e vrasjes së 10 palestinezëve në kampin refugjat në Gaza në 24 orët e fundit.
Që prej të hënës kur kanë nisur luftimet, deri tani nga të dyja palët, janë vrarë rreth 150 persona, ku një pjesë janë gra dhe fëmijë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.