.png)
Italia po shkon drejt gjendjes së jashtëzakonshme mes stuhisë që goditi Lombardinë dhe zjarreve që po shpërthejnë në Siçili dhe në zona të tjera të jugut.
Vendimi pritet të mërkurën në një takim të qeverisë, njoftojnë mediat italiane
Rajonet në Itali po llogaritin dëmet e ndërtesave, infrastrukturës dhe bujqësisë.
Ndërkohë janë shënuar pesë të vdekur për shkak të ngjarjeve ekstreme të motit.
Një vajzë 16-vjeçare vdiq nga një pemë që ra mbi tendën e saj në një kamp skautizmi në Valcamonica, provinca e Brescias. Tre persona mbetën viktima të flakëve në zjarret që ende vazhdojnë rreth Palermos dhe Siçilisë, dhe një në Reggio.
“Nuk e kam parë kurrë një gjë të tillë në 65 vjet”, tha kryebashkiaku i Milanos, Sala.
Drejt shpalljes së gjendjes së jashtëzakonshme flitet për Lombardinë, Sicilinë, Veneton, Emilia Romagna dhe Friuli Venezia Giulia, të prekura nga ngjarjet ekstreme të ditëve të fundit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
