.png)
Sipas një studimi të fundit, varianti i ri i Covid-19 është “jashtëzakonisht” më i transmetueshëm se versioni i mëparshëm i virusit. Të dhënat tregojnë se varianti i ri rrit numrin e Riprodhimit ose R me ndërmjet 0.4 dhe 0.7.
Numri i fundit R i Mbretërisë së Bashkuar është vlerësuar në mes 1.1 dhe 1.3. Duhet të jetë nën 1.0 që numri i rasteve të fillojë të bjerë.
Axel Gandy nga Kolegji Imperial në Londër tha se ndryshimet midis llojeve të viruseve ishin “shumë ekstreme”.
“Ekziston një ndryshim i madh në faktin se sa lehtë përhapet virusi variant. Ky është ndryshimi më serioz në virus që nga fillimi i epidemisë,” tha ai.
Studimi i Kolegjit Imperial tregon se transmetimi i variantit të ri është trefishuar gjatë izolimit të Anglisë në nëntor, ndërsa versioni i mëparshëm u zvogëlua me një të tretën. Rastet e Covid-19 kanë filluar të rriten me shpejtësi gjatë valës së dytë dhe numri i rasteve të regjistruara në një ditë të vetme arriti një maksimum të ri të enjten.
Rezultatet e hershme treguan se virusi po përhapej më shpejt midis moshave nën 20 vjeç, veçanërisht tek fëmijët e moshës së shkollës së mesme.
Por të dhënat më të fundit tregojnë se ato po përhapeshin shpejt në të gjitha grupmoshat, sipas Gandy i cili ishte anëtar i ekipit kërkimor.
“Një shpjegim i mundshëm është se të dhënat e hershme u mblodhën gjatë kohës së izolimit të nëntorit, ku shkollat ishin të hapura dhe aktivitetet e popullatës së rritur ishin më të kufizuara. Ne po shohim tani që virusi i ri ka rritur infektivitetin në të gjitha grupmoshat.”
Jim Naismith, nga Universiteti i Oksfordit, tha se ai besonte se gjetjet e reja treguan se së shpejti do të duheshin masa izoluese edhe më të ashpra.
“Të dhënat nga Imperial përfaqësojnë analizën më të mirë të deritanishme dhe nënkuptojnë se masat që kemi përdorur deri më sot, me virusin e ri nuk do të zvogëlojnë numrin R në nën 1.
“Në terma më të thjeshtë, nëse nuk bëjmë diçka ndryshe, lloji i ri i virusit do të vazhdojë të përhapet, më shumë infeksione, më shumë shtrime në spital dhe më shumë vdekje.”
Numri R është numri mesatar i njerëzve që infekton një person i infektuar. Nëse është mbi 1, ateherë epidemia po rritet.
Burimi: BBC. Përktheu: Gazeta “Si’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje