.png)
Një studimi i fundit ka treguar se pijet me sheqer, madje dhe ato që cilësohen si 100 % lëng frutash natyrale, kanë rrezikshmëri të lartë për të shkaktuar vdekje të parakohshme. Në përgjithësi, sheqernat që gjenden në lëngun e frutave, janë po aq të dëmshme sa sheqernat sintetike që përdoren për pijet e gazuara.
“Pijet me sheqer, qofshin ato të gazuara, qofshin lëngje futash, duhet të kufizohen,” shprehet Jean A. Welsh, autorja e studimit.
Tashmë shtatë qytete amerikane, duke përfshirë Nju Jorkun, kanë vendosur taksa për pijet të cilët kanë sasi të mëdha sheqeri, në mënyrë që të reduktojnë konsumimin e tyre.
“Hulumtimet e mëparshme kanë treguar se konsumi i lartë i sheqernave, është një ndër faktorët kryesorë që shkakton sëmundjet kardiovaskulare. Gjithashtu obeziteti dhe diabeti janë dy nga sëmundjet kryesore që shkaktohen vetëm nga pijet me sheqer,” shton Welsh
Duke u nisur nga ky studim i gjerë, Welsh dhe kolegët e saj analizuan të dhënat e 13.440 njerëzve në mbarë botën nga mosha 35 vjeç e lart dhe rezultatet nuk ishin aspak të mira.
Rreth 71 për qind e meshkujve që morën pjesë në studim ishin obezë. Të dhënat treguan gjithashtu se njerëzit që konsumonin më shumë se ç'duhet lëngje me përmbajtje sheqeri, kishin 44% mundësi më shumë për t’u rrezikuar nga vdekja e parakohshme, për shkak të sëmundjeve të zemrës.
“Duke parë rezultatet tona për pijet me sheqer dhe lëngjet e shtrydhura, duhet të jemi të qartë se ato janë të dëmshme për shëndetin,” shtoi Welsh. Ndër të tjera ajo shprehet se nuk është e habitur nga këto gjetje. Bashkë me kolegët e saj, Welsh shpjegon se ka një sërë mekanizmash biologjike të cilat në bashkëveprim me sheqernat, ndikojnë në rrezikun e vdekjes së parakohshme. Hulumtimi tregon që lëngjet e frutave rrisin rezistencën ndaj insulinës, e cila është e njohur për shkaktimin e sëmundjeve të zemrës, ndërsa konsumimi i fruktozës mund të stimulojë hormonet që nxisin shtimin e peshës.
Marta Guasch-Ferré, një shkencëtare në Departamentin e Ushqimit në Harvard, tha se ky është një nga studimet e para që ka shqyrtuar dëmin që shkaktojnë lëngjet e frutave. Megjithatë, ajo shtoi se studimi ishte i kufizuar.
“Edhe pse lëngjet e frutave mund të mos cilësohen aq të dëmshme sa pijet e sheqerit, konsumi i tyre duhet të kufizohet tek fëmijët dhe të rriturit, veçanërisht për individët që dëshirojnë të kontrollojnë peshën e tyre trupore. Kërkimi i mëtejshëm është i nevojshëm për të shqyrtuar rreziqet shëndetësore dhe përfitimet e mundshme të lëngjeve të frutave specifike,” shkruan Guasch-Ferré. /CNN/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
