Studimet, vitamina D nuk ofron mbrojtje ndaj Covid-19

Ideja që vitaminat D mund të zvogëlojnë ndjeshmërinë dhe ashpërsinë e Covid-19 është e bukur pasi të ofron një zgjidhje të thjeshtë, elegante për një problem shumë kompleks dhe vdekjeprurës. Por analizat që përfshijnë grupe të mëdha evropiane tregojnë se entuziazmi për vitaminën D mund të jetë i gabuar. Dy studime të fundit tregojnë se mungojnë provat për të treguar lidhjen midis niveleve të larta të vitaminës D dhe Covid-19. Një grup studiuesish analizuan një sërë të dhënash prej qindra mijëra pjesëmarrësish për të kuptuar nëse përdorimi i vitaminës D, mund të ulte probabilitetin për të pasur Covid-19 të rënduar.
Studiuesit shikuan të dhënat e njerëzve me probleme të caktuara gjenetike që i bëjnë ata të predispozuar ndaj mungesa e vitaminës D, diçka që nuk ndikohet nga faktorë të tillë si mosha dhe probleme të tjera shëndetësore. Një tjetër studim krahasoi prevalencën e mungesës së vitaminës D në 24 vende evropiane me të dhënat e personave të infektuar, shëruar dhe ata që ndërruan jetë.
Autori kryesor, Michael Chourdakis, nga Universiteti Aristotel në Greqi, tha se studimi shmangu kufizimet metodologjike të studimeve të mëparshme duke përdorur vetëm të dhëna të fundit mbi vitaminën D. Përveç kësaj, në vend që të përdorin nivelet mesatare të vitaminës D, të cilat mund të shtrembërohen nga pjesë të caktuara të një popullate që kanë përqendrime shumë të larta ose shumë të ulëta, ato në mënyrë specifike shikuan nivelet e mungesës.
“Ekziston një mbingarkesë e informacionit në lidhje me përfitimet e vitaminës D, e cila është vlerësuar për shumë gjëra, edhe pse kemi të dhëna shumë të kufizuara për këtë,”tha ai.
Ai shtoi se studimi ishte metodologjikisht i fortë dhe të dhënat nuk treguan ndonjë lidhje të rëndësishme mes vitaminës D dhe infeksionit Covid-19. Gjetjet treguan se personat pothuajse të gjithë kishin nivele të ulta të vitaminës D. Por provat për Covid-19 deri më tani, edhe pse disa prej tyre janë pozitive, janë rrethanore. Disa studiues argumentojnë se nuk është efikase që një popullatë të jap vitamina shtesë për popullatën duke pasur parasysh se ndikimin që mund të ketë në sjelljen individuale dhe efektet anësore të mundshme negative fizike nga përdorimi i tepërt.
"Ne jemi shkencëtarë dhe besojmë në të dhëna. Mendojmë se të dhënat sot tregojnë që vitamina D nuk do të mbrojë nga Covid-19. Ne do të ishim të lumtur të gjenim çdo të dhënë që tregon të kundërtën,” tha Brent Richards, një klinicist-shkencëtar nga Universiteti McGill i cili është i përqendruar në studime mbi endokrinologjinë, epidemiologjinë dhe biostatistikën, i cili është një nga autorët e studimit gjenetik.

Burimi:The Guardian/Përktheu:Gazeta "Si"

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.