.png)
Gazeta Si - Në disa qytete të vendit, demokratët kanë mbajtur një protestë të heshtur përpara komisariateve të policisë në shenjë homazhi pas vetëvrasjes së Ilvi Metës.
Protesta u thirr nga ish-kryeministri Sali Berisha një ditë më parë dhe qytetarët kanë ndezur qirinj për 31-vjeçarin që dyshohet se u vetëvar me lidhësen e kapuçit të bluzës.
Protesta në moton “Stop vrasjes në Komisariate”, u zhvilluan në Shkodër, Durrës, Elbasan, Korçë, Fier, Vlorë, Lezhë etj.
Gjithashtu në orën 20.00 përfaqësues të PD-së kanë ndezur qirinj edhe para ambienteve të Komisariatit të Kavajës.
Ish-kryeministri Sali Berisha i shoqëruar nga deputetë të Komisionit të Rithimelimit, ndezi qiri para selisë së kryeministrisë në Tiranë.
Ai hodhi akuza ndaj policisë. Sipas tij, shkak i ngjarjeve tragjike të përsëritura në komisariate është rekrutimi i militantëve socialistë brenda radhëve të uniformave blu.
Berisha paralajmëroi shumë shpejt protestë popullore për vjedhjen e pronave publike në emër të ashtuquajturave investime strategjike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
