Pas tortës Melania, mjaltit Melania dhe madje edhe pantofla Melania, vendlindja zonjës së parë amerikane tani do të mburret me një statujë të Melania Trump- ndonëse kjo e fundit ka ngjallur komente negative nga përdoruesit në rrjete sociale. Statuja e vendosur në periferi të Sevnica u përurua të premten dhe është ideja e 39-vjeçarit amerikan artist Brad Downey, i cili thotë se është monumenti i parë i kushtuar gruas së Presidentit të SHBA Donald Trump.
Skulptura ishte gdhendur në një pemë duke përdorur një sharrë me zinxhir dhe përshkruan Zonjën e Parë në një fustan blu, ndërsa mban dorën e majtë të ngritur, duke imituar një paraqitje të saj gjatë inaugurimit të bashkëshortit Donald Trump si President i SHBA-ve në vitin 2017. Stili i autorit disi naiv ka bërë që disa kritikë në mediat sociale ta etiketojnë këtë statuje si "gogol". "Unë nuk e kuptoj pse njerëzit këtë statuje e kanë marrë si një përshkrim të pamjes së saj fizike" tha Downey për AFP, ndërsa këmbëngulë rezultati i punës së tij është absolutisht i bukur.
Që nga Donald Trump mori detyrën në vitin 2017, Sevnica, vendlindja e Melania Trump është bërë një magnet për turistët dhe gazetarët që kërkojnë njohuri për të kaluarën e gruas së parë amerikane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.