.png)
Kryeministri Edi Rama, ministrja e Shëndetësisë, Ogerta Manastirliu dhe ministri Arben Ahmetaj ndoqën nga afër punimet që po bëhen për ndërtimin e spitalit të ri për shtrimin e të sëmurëve nga koronavirusi. Një godinë e ish-universitetit privat në periferi të Tiranës pritet të shndërrohet në një qendër spitalore për të prekurit nga sëmundja e Covid-19.
"Një spital i ri lufte, për të garantuar mbrojtjen e të sëmurëve në kushtet e çdo rritjeje të papritur të forcës së zjarrit armik", shprehet Rama.
Ministrja Manastirliu u shpreh se në këtë spital do të ketë 100 shtretër, për të ofruar një strukturë bazë, një qendër rezidenciale për të sëmurit nga koronavirusi që nuk janë në terapi intensive. Sipas Manastirliu, kjo godinë e re është pjesë e një skenari të katërt, pasi në skenaret epara të dyta dhe të treta janë strukturat spitalore që do të përballojnë situatën.
"Kjo do të shërbejë një spital karantinë me asistencën bazë mjekësore. Së bashku me ekipin e mjekëve e kemi vendosur këtë organizim të ri që ka shërbyer si një strukturë rezidenciale, tashmë do të fillojë puna për rikthimin në një spital", tha më tej Manistirliu.
Ministrja dha më tej edhe detaje sa i përket mënyrës së funksionimit të këtij spitali që pritet të përshtatet në një kohë rekord për një muaj.
"Çdo dhomë ka tualetin e saj, do të adaptohen për ata të sëmurë drejt shërimit. Në Kushte që mund të adaptohet shpejt, një farmaci, një depozitim të vendosjes së mbetjeve spitalore, një imazheri dhe laborator bazë. Do të bëhen edhe instalimet e oksigjenit në dhomat e caktuara, duke qenë se këtu do të shtrohen ato që janë në fazë shërimi, por do kenë asistencën e nevojshme. Na lehtëson se ka vendin e parkimit. dhe në një fazë të dytë zhvillimi mund të shërbejë si një strukturë spitalore, por që mund t'i shërbejnë universitetin. Mund të përshtatet edhe në plan afat gjatë. Brenda një afati 20 ditor neve do të fillojmë punën, ky është skenari i katër se tashmë i kemi kapacitet aktualisht", shtoi Manastirliu.
Kreu i qeverisë, gjatë inspektimit të kësaj godine, tha se këtu do të dërgohen të gjithë pacientet që janë drejt shërimin, në këtë formë edhe lehtësohet puna e mjekëve tek Infektivi, por mbi të gjitha i lehtëson ata edhe psikologjikisht. "Sfida jonë është që brenda 30 do ta bëjmë spital, nuk kemi pse mbajmë në Spitalin Infektiv njerëz që janë në kushte të lehtësuara, por i çojmë këtu. Kështu i lehtësojmë edhe psikologjikisht mjekët", tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
