.png)
Gazeta Si – SPAK ka kërkuar dënimin me 17 vite burg për Islam Sefën, i cili akuzohet si kreu i një grupi që ka trafikuar drogë me vlerë 3,3 milionë euro nga Shqipëria në Gjermani.
Në rast të dënimit, ai përfiton nga gjykimi i shkurtuar dhe masa e dënimit mund të jetë 11 vite e 4 muaj burg.
Më 2 korrik 2024, Sefa u arrestua teksa pinte kafe në një lokal pranë godinës së SPAK-ut, i cili njoftoi se i dyshuari ishte identifikuar nga një hetim i përbashkët me autoritetet gjermane, të cilat zbuluan një grup kriminal shqiptaro-gjerman që merrej me trafik droge
SPAK tha në atë kohë se kishte identifikuar 12 persona anëtarë të këtij grupi, nga të cilët 8 janë shqiptarë dhe 4 shtetas gjermanë
Sipas SPAK, grupi kriminal, gjatë viteve 2020-2021, kishte importuar në Republikën Federale Gjermane, në disa episode, sasi të konsiderueshme lënde narkotike të llojit marijuana.
Sasia e lëndës narkotike sigurohej kryesisht nga Shqipëria dhe Spanja, e cila pasi futej në territorin gjerman, është tregtuar në rajonin Wolfsburg-ut, Magdeburg-ut, si dhe në vende të tjera të Bashkimit Evropian.
Gjatë hetimeve, janë evidentuar 9 (nëntë) episode dhe është provuar se sasia e lëndës narkotike të trafikuar është 912 kg marijuanë, kurse vlera e lëndës narkotike të trafikuar kap vlerën prej 3.374.400 (tremilionë e treqindë e shtatëdhjetë mijë e katërqind) euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
