Gazeta Si - Gjykata e Posaçme ka vendosur të lërë në burg 8 pjesëtarët e grupit të kultivimit të drogës që u arrestuan me urdhër të SPAK dy ditë më parë në mega-operacionin e zhvilluar në Njësinë Administrative Cudhi të Bashkisë Krujë.
Për 7 prej tyre u lanë në fuqi masa e arrest në burg. Bëhet fjalë për Lavdrim (Lulzim) Alimanin, Sabah Shehin, Vait Takën, Hasim Pulacin, Ahmet Pulacin, Xhemal Zogun dhe Shkëlqim Ismailin.
Ndërsa për 73-vjeçarin Skënder Velja u caktua arrest në shtëpi për shkak të moshës.
Për këtë dosje u lëshuan 13 urdhër arreste, ku 5 prej tyre vijojnë të jenë në kërkim. Hetimet kanë nisur në vitin 2020 ku rezultoi se kanabisi kultivohej në tokë shtetërore, zonë e pyllëzuar në 5 fshatra të Krujës, Noj, Shkretë, Rranxë, Bruz Mal, Bruz Zall.
Në një prej rasteve policia sekuestroi 145 kg kanabis, e paketuar gati për shitje. 13 personat e akuzuar janë pjesë e dy grupeve dhe nga përgjimet ka rezultuar se ata komunikimet i kryenin me aplikacione dhe radio komunikuese të ngjashme me ato të policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.