.png)
Gazeta Si – Me mbylljen e fushatës elektorale mbrëmjen e të premtes nga dy partitë e mëdha, Shqipëria sot është në heshtje zgjedhore, ndërsa të dielën më 11 maj vendos me votë për qeverinë e 4 viteve të ardhshme.
Gjatë kësaj të shtune, ndalohen aktivitetet politike të partive, ndërsa të dielën, 11 subjekte garojnë për të fituar shumicën e 140 mandateve në Kuvend nëpërmjet një formule të re zgjedhore, ku secila parti garon me 186 kandidatë në listën e votimit, prej të cilëve 46-të janë në listat e mbyllura.
Në total 3.7 milionë shqiptarë kanë të drejtë vote për Kuvendin e ri, ndërsa për herë të parë, në këto zgjedhje ka votuar me postë edhe diaspora, me 245.935 emigrantë të regjistruar.
Në garën e 11 majit janë 11 subjekte apo koalicione politike, kandidatët e të cilëve janë vendosur në lista të hapura dhe të mbyllura. Çdo subjekt garon me 186 kandidatë në listën e votimit të KQZ-së, ku 46 janë nga lista e mbyllur.
Policia e Shtetit ka përgatitur një plan të detajuar masash që procesi zgjedhor të shkojë mirë dhe pa incidente.
Më shumë se 5 mijë punonjës policie janë angazhuar për ruajtjen e objekteve zgjedhore për zgjedhjet parlamentare që mbahen këtë të diel të 11 Majit.
Sot është afati i fundit i dërgimit të zarfeve në Greqi ndërsa duhet të kenë mbërritur deri të nesërmen në orën 19:00 përndryshe konsiderohen të pavlefshme.
Premtimi kryesor i PS ishte vijimi i procedurave për anëtarësim në BE. Ndërsa Sali Berisha nga ana tjetër, ka premtuar ndërhyrje në pothuajse të gjitha fushat e veprimtarisë së vendit, duke nisur nga rritja e pensioneve, tek politikat për çiftet e reja dhe uljen e taksave.
Të dielën i mbetet në dorë sovranit që të vendosë mbi fatin e 4 viteve të ardhshme të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
