Sonda Europiane niset drejt Diellit, për herë të parë kaq pranë, në 500 gradë

10:03 - 10 Shkurt 2020

Ky është një projekt ambicioz: Do të përpiqet të fiksojë pamjet e para të rajoneve polare të yllit tonë dhe të sigurojë të dhëna të vlefshme për të studiuar fushën e tyre magnetike

Sonda Evropiane “Solar Orbiter” drejtuar Diellit u nis nga baza amerikane Cape Canaveral me një raketë të tipit “Atlas 5”. Nis kështu misioni më ambicioz i organizuar ndonjëherë drejt yllit tonë, i krijuar nga Agjencia Evropiane e Hapësirës (ESA) në bashkëpunim me NASA-n.
Pas dy shtyrjeve, njëra për shkak të një problemi teknik dhe tjetra për shkak të kushteve jo të favorshme të motit, misioni filloi udhëtimin e tij i cili në tre vjet e gjysmë do ta çojë atë në një largësi prej 42 milionë kilometrash nga Dielli. Kjo do të jetë hera e parë që një mision hapësinor i afrohet kaq shumë Diellit, në një zonë me rrezatim të fortë dhe temperaturë rreth 500 gradë.
Lëshimi i sondës shfrytëzoi linjën midis Tokës dhe Marsit, e cila lejoi vendosjen e sondës përgjatë trajektores ideale për të ndjekur saktë rrugën e saj, duke shfrytëzuar shtytjen gravitacionale të dy planeteve.

Liftoff! #AtlasV #SolarOrbiter pic.twitter.com/JAFvGvHhTS
— ULA (@ulalaunch) February 10, 2020

Duke arritur në orbitën e saj të fundit, më të afërtën me Diellin e arritur ndonjëherë nga një mjet tokësor, do të jetë në gjendje të kapë pamjet e para të rajoneve polare të yllit tonë dhe të sigurojë të dhëna të vlefshme për të studiuar fushën e tij magnetike. Fenomene të rëndësishme varen nga ky mision, siç janë ciklet 11-vjeçare të aktivitetit diellor dhe stuhitë e e forta diellore, efektet e të cilave në Tokë mund të shkaktojnë aurora të bukura polare ose dëmtim të satelitëve, komunikimeve radio, GPS dhe rrjeteve elektrike.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.