.png)
Skandal në arkivin e shtetit. Një vulë e shtetit shqiptar që mendohet se i përket vitit 1600 është zhdukur në rrethana misterioze në brendësi të ambienteve. Mendohet qe zhdukja e vulës të ketë ndodhur ditën e djeshme, ndërkohë që denoncimi në policinë e komisariatit nr. 3 në Tiranë është dorëzuar gjatë ditës së sotme ( e premte). Nuk jepen detaje për rëndësinë e kësaj vule por mendohet qe vjedhja është kallëzuar me mjaft vonesë. Një burim i tha Gazetës “Si” se nga këqyrja paraprake janë zhdukur dhe kamerat e arkivës së shtetit, çka shton dyshimet se ka bashkëpunëtorë nga brenda institucionit.
Policia është alarmuar tha një burim pranë komisariatit numër 3 dhe po ushtrojnë kontrolle në ambientet e institucionit, pasi vula e zhdukur ka vlerë historike për vendin tonë.
Nuk jepen shpjegime nëse filmimet janë fshirë enkas, apo nuk funksiononin kamerat e sigurisë.
Por ajo që dihet në mënyrë të sigurt është se edhe kjo gjë po verifikohet nga policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
