Si zgjidhen veshjet e yjeve në eventet e rëndësishme

Shpesh herë aktoret dhe artistët e ndryshëm në surprizojnë me paraqitjen e tyre në çdo dalje apo evente të ndryshme. Nga eleganca, klasi dhe gjithë shkëlqimi i mbrëmjes shkon për ta.

Për stilistët e tyre sezoni i çmimeve është një maratonë e qëndrueshmërisë së modës që fillon që në gusht me Festivalin e Filimt të Venecias dhe mbaron me çmimet e Akademisë në shkurt, duke përfshirë edhe qindra premiera gjatë gjithë vitit. “Por eventi Oscar mund të jetë më të vërtetë i vështirë, sepse është finalja më e madhe dhe të gjithë dëshirojnë të kenë një dominim të fortë” ka thënë stilistja Jill Lincoln, e cila kujdeset për veshjen e Jennifer Lawrence, Rachel Brosnahan dhe Anna Kendrick.

“Është një konkurrencë e madhe, ka kaq shumë veshje dhe kaq shumë njerëz që punojnë për një kohë të gjatë për paraqitjen e të famshmëve në evenete të njohura” shpjegoi Jordan Johnson, bashkëpunëtor i Lincoln. Kur stilistët e Jennifer Lopez, Rob Zangardi dhe Mariel Haenn, mësuan se ajo do të jetë mes emrave të rëndësishëm që do të prezantojë Oscarin këtë vit, dyshja e cila ka linja direkt për markat si Zuhair Murad, Versace, Oscar de la Renta dhe Elie Saab, nisën menjëherë skicimin e veshjeve për këtë event.

“Tani për tani në kemi disa opsione, që sigurisht do të jenë në zgjedhjen e këngëtares. Mendojmë që në kemi veshjet më të kërkuara nga çdo koleksion në pritje” ka thënë Zangardi. Jen përfundoi duke veshur një nga Ralph & Russo në Grammys, por ajo ka dy ngjarje të tjera - Oskar dhe Partia Vanity Fair - kështu mbajtja e disa veshjeve nuk është ide e keqe” tha stilisti i 48 vjeçares

Kur Lincoln dhe Johnson nisën të vishnin Jennifer Lawrence, ajo ishte nën një kontratë trevjeçare me Diorin, e raportuar me vlerë 15-20 milionë dollarë, që përcaktonte se ajo mbante etiketën ekskluzivisht për ngjarjet kryesore të tapetin të kuq.

"Është më e lehtë kur klienti juaj duhet të vishet nga një projektues i veçantë”, tha Johnson, i cili ka udhëtuar në Paris me Lawrence për të zgjedhur veshjet.
“Nëse po bëjmë një fustan me porosi, ne do të diskutojmë me klientin tonë për atë që ka në mendje, i paraqesim disa skica, të cilat i përdorim si pikënisje. Pas kësaj nis puna për zgjedhjen e materialeve dhe qepjen e asaj që klienti zgjedh” ka thënë ai.
Por jo çdo aktore ka dizajnues që kujdeset për paraqitjen e tyre. Yjet si Megan Mullally, Leslie Jones dhe Melissa McCarthy e kanë sfidë zgjedhjen e veshjeve të tyre në evente të mëdha.

Por me talentet e reja duket se është gjithmonë sfidë për projektuesit e mëdhenj.
"Me një talent të ri është gjithmonë një sfidë," shpjegoi Sophie Lopez, e cila ka punuar me Yalitza Aparicio, ylli i filmit "Roma" këtë sezon.

Por jo gjithçka shkon siç duhet.
Ndonjëherë, pasi të jetë zgjedhur një fustan, një klient do të joshet nga një tjetër veshje, të cilën e ka parë gjatë javës së modës. "Kjo është një diçka mjaft e zakonshme dhe është një ndjenjë e tmerrshme për shkak se nuk kemi marrëdhënie të mira me të gjithë dizajnerët” tha Lincoln.

“Kur ekipi i artistes mëson se një tjetër aktore po vesh një diçka të ngjashme me atë që ka zgjedhur klientja juaj, atëherë vendos për ta ndryshuar pamjen në minutën e fundit. Kjo ka ndodhur me Anne Hathaway në vitin 2013, kur ajo mësoi se kishte një veshje të ngjashme me tjetër aktore” tha stilistja

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.