Një ditë pas arrestimit të Ardian Çapjas në Elbasan, policia ka vënë në pranga edhe një person tjetër.
Bëhet fjalë për Ardi Çekanin, i cili ishte në kërkim i dënuar me 1 vit e 6 muaj për veprën penale “Dhuna në familje”, “Kundërshtimi i punonjësit të policisë së rendit publik” dhe “Veprime në kundërshtim me vendimin e gjykatës”.
Çekanit, i cili fshihej në banesën e Çapjes, në momentin e kapjes, iu gjet dhe një sasi e vogël lëndë narkotike kanabis.
Gjithashtu, gjatë kontrollit të banesës së 53-vjecarit Çapja, policia sekuestroi 5 radio dhe disa uniforma të ngjashme me ato të policisë.
Ditën e djeshme forcat RENEA arrestuan një nga personazhet më të njohur të krimit në Elbasan.
Ardian Çapja akuzohet si porositësi i vrasjes së dyfishtë të babë e bir, Gentian dhe Nezir Beqiri, ngjarje kjo e ndodhur në vitin 2012. Gjithashtu, policia ka shpallur në kërkim nipin e tij, Florenc Çapja.
Ndërkohë, policia ka publikuar edhe pamjet e arrestimit të Çapjas, i njohur dhe si Ardian Çopja.
Në video, duken forcat speciale që kanë rrethuar kompleksin e banesave ku jetojnë anëtarët e fisit Çapja në periferi të Elbasanit.
Operacioni i koduar “Krasta 2021” u ndërmor mëngjesin e djeshëm, më 29 mars.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
