.png)
Një kalim i shpejtë për disa ushqime në supermarket u shndërrua në një shpëtim gjarpri për një grua australiane në momentin kur mes raftit të supermarketit doli një piton.
Helaina Alati,25 vjeç, ishte në një dyqan në Sidnej kur gjarpri 3 metra jo helmues doli jashtë.
Supermarketi Woolworths shtrihet në buzë të një hapësire të madhe të shkurreve në periferinë veriperëndimore të qytetit por takimi me një gjarpër në sektorin e erëzave nuk ishte në pritshmëritë e Alatit.
Për fat të mirë për të dyja palët, Alati është një shpëtuese e kafshëve të egra dhe ka njohuri për gjarpërinjtë.
“Sapo ktheva kokën dhe ai ishte rreth 20 cm nga fytyra ime, vetëm duke më shikuar drejt,”- tha ajo për BBC.
Ajo e ruajti qetësinë dhe pa se askush nuk ishte aty pranë.
Duke e njohur menjëherë se ishte një piton diamanti, Alati e dinte se nuk ishte helmues.
“Ai më shikonte drejtpërsëdrejti gjatë gjithë kohës, dukej sikur të thoshte: ‘A mund të më nxjerrësh jashtë të lutem?’”
Pasi filmoi gjarprin, Alati lajmëroi stafin dhe tha se ajo mund t’i ndihmonte ata ta nxirrnin jashtë.
Ajo mori një çantë gjarpri nga shtëpia e saj, u kthye në dyqan, e goditi atë në bisht dhe ai vetëm u fut brenda.Më pas e lëshoi atë larg shtëpive në shkurre – një habitat natyror për speciet rreth Sidneit.
Helaina Alat
Duke qenë se ishte e trajnuar me gjarpërinjtë, Alati ka kryer të paktën 20 shpëtime gjarpërinjsh më parë.
Ajo thotë se miqtë e saj kanë bërë shaka më parë për të, duke e cilësuar si “vajza e gjarprit”, duke iu referuar një skene në një film të Harry Potter ku magjistari djalë zbulon se ai mund të flasë me gjarpërinjtë.
Alati thotë se nuk mund të flasë gjuhën amtare si Harry, por “ajo skenë më është përmendur disa herë”.
“Ata thjesht më tërheqin mua, mbase ata thjesht mendojnë se unë jam personi që kujdesem dhe mbroj kafshët.Për të qenë e sinqertë, kjo është gjëja më emocionuese që më ka ndodhur brenda një kohe të caktuar. Stafi po e fotografonte gjithcka.”
Alati tha se ajo dyshonte se gjarpri kishte qenë në dyqan gjatë natës, ndoshta fillimisht në tavanin ku pitonët diamantë pëlqejnë të qëndrojnë ose ndoshta ishte fshehur në raft gjithë mëngjesin kur “dhjetëra njerëz … e kaluan atë dhe morën erëzat.”
Burimi:BBC/Përshtati Gazeta SI
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje