“Shpirt, kam çdo video tënden intime…” 42-vjeçari i martuar nga Anglia zhvat vajzën e biznesmenit

“Covidi më ndikoi që të nis alkoolin e mandej në Angli ku jetoj, mund ta kem tepruar me mesazhe, por nuk kam pasur asnjë qëllim të keq”. Kështu është justifikuar përpara policisë L. A. 42 vjeç, me gjendje familjare i martuar dhe me dy fëmijë dhe që për disa muaj me radhë ka përvetësuar shuma të konsiderueshme nga e dashura. Megjithëse burri që jeton mes Anglisë dhe Shqipërisë ka tentuar që t’i kthejë në të dyshimta rrëfimet e ish të dashurës kundër tij menjëherë sapo u kap në kufi, tjetër gjë rezulton nga të dhënat në aparatin e telefonit që është rikuperuar. 25-vjeçarja, vajzë e një biznesmeni në kryeqytet, e njohu 42-vjeçarin në fjalë në një ditëlindje.