.png)
Gazeta Si - Frikë e madhe, por fatmirësisht pa pasoja për mbrojtësin e Kombëtares shqiptare dhe Lacios, Elseid Hysaj. Shkodrani dhe vjehrri i tij kanë shpëtuar për mrekulli, pasi Ferrari i futbollistit ka shpërthyer në flakë. Dyshimet janë për një defekt të fabrikës.
Elseid Hysaj, bashkë me vjehrrin e tij, kanë përjetuar momente paniku, teksa Ferrari i mbrojtësit shqiptar është përfshirë nga flakët. Për fat të mirë, asnjëri prej tyre nuk pati pasoja fizike.
Sipas ‘Messaggero’, Hysaj dhe vjehrri i tij mbetën fillimisht të bllokuar brenda makinës në flakë, ndërsa bashkëshortja e lojtarit shqiptar, që ishte jashtë, është përpjekur t’i ndihmojë të dalin.
Më pas situata u zhbllokua dhe të dy kanë dalë nga makina me vlerë 160.000 euro, që është djegur thuajse e gjitha. E përditshmja italiane flet për një defekt të mundshëm të fabrikës së Ferrarit, që Hysaj e kishte blerë prej pak kohësh.
"Makina papritur mori flakë. Për fat të mirë, askush nga ne nuk u dëmtua, e kaluam rrezikun. Një problem fabrike? Po kështu është”, - tha Hysaj pas incidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
