.png)
Gazeta Si – Një shpërthim me tritol është regjistruar në Krujë, mëngjesin e kësaj të mërkurë, 8 korrik, ku lënda ishte vendosur në një automjet tip “Fiat”.
Nga shpërthimi janë shkaktuar vetëm dëme materiale, ndërsa fatmirësisht nuk raportohet për persona të lënduar.
Policia ka sekuestruar pamjet e disa kamerave të sigurisë, në të cilat shihet autori i dyshuar duke vendosur lëndën plasëse dhe më pas duke u larguar në këmbë.
Burimet bëjnë me dije se ai kishte veshur rroba të errëta, në përpjekje për të mos u identifikuar nga kamerat e sigurisë.
Pronari i automjetit ka deklaruar se nuk ka konflikte me njeri dhe nuk e ka idenë pse ka ndodhur ngjarja, as për autorët.
Megjithatë hetuesit dyshojnë se vendosja e lëndës plasëse ka qenë një mesazh paralajmërues ndaj pronarit të automjetit. Si pistë kryesore e hetimeve po verifikohen konfliktet e mundshme për çështje pronësie.
Policia vijon hetimet për identifikimin dhe kapjen e autorit, si edhe për zbardhjen e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje