.png)
Gazeta Si - Tre inspektorë të Mbrojtjes së Territorit, në Bashkinë Bulqizë, janë proceduar penalisht, pasi nuk gjobitën personat që ndërtuan objekte pa leje.
Policia bën me dije se ka filluar procedimi penal në gjendje të lirë për shtetasit, Elion Dedja, 37 vjeç; Leonard Duka,34 vjeç; dhe Andi Topi, 45 vjeç.
Procedimi penal ndaj tyre filloi pasi në bashkëpunim me njëri tjetrin dyshohet se kanë shpërdoruar detyrën, dhe nuk kanë ndjekur marrjen e masave ligjore të parashkuara në VKM “Për unifikimin e procedurave të kontrollit të territorit nga Inspektoriati Kombëtar i Mbrojtjes së Territorit dhe ai i Njësisë Vendore”, mbi shkeljet e kritereve të përcaktuara gjatë ndërtimit të një objekti nga shtetasi G.Xh.
Këto veprime i kanë sjellë përfitime të padrejta materiale ndërtuesit, si shtesë të kateve dhe të sipërfaqes së ndërtimit mbi lejen e miratuar, duke dëmtuar interesat e ligjshme të shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
